Foto: SpaceNews
Rossiya koinotdagi vaziyatni keskinlashtirmoqda va bir necha yillik sinovlardan so‘ng orbitaga Amerika kosmik kemalariga tahdid solishi mumkin bo‘lgan sun’iy yo‘ldoshni olib chiqdi, deya AQSH kosmik qo‘mondonligi rahbari Stiven Uayting xabar berdi.
"Biz ehtimoliy hujumga tayyorlanmoqdamiz", — deya qo‘shimcha qilgan u.
Uaytingning ta’kidlashicha, Rossiya tomonidan 16 may kuni uchirilgan “Kosmos 2576” sun’iy yo‘ldoshi past Yer orbitasiga olib chiqilgan va ish holatiga keltirilgan.
"Ushbu tartibga solish Rossiya qurilmasiga Amerika sun’iy yo‘ldoshini kuzatish va potensial ravishda uning faoliyatiga xalaqit berish imkonini beradi", — deb tushuntiradi SpaceNews.
Pentagon ma’lumotlariga ko‘ra, “Kosmos 2576” pastki Yer orbitasidagi boshqa sun’iy yo‘ldoshlarga hujum qilishga qodir bo‘lgan qarama-qarshi kosmik qurol. Kosmosdagi keskinlikning kuchayishi AQSHning Rossiya koinotda yadroviy qurol ishlab chiqarayotgani haqidagi da’volari fonida yuz bergan.
"2022 yil 5 fevralda Rossiya yadroviy kallak bilan jihozlangan potensial sun’iy yo‘ldoshga qarshi qurol komponentlarini sinovdan o‘tkazish uchun mo‘ljallangan “Kosmos 2553”ni uchirgan", — deya AQSH rasmiylariga tayanib, The Wall Street Journal xabar bergan edi.
Aprel oyida Moskva koinotda yadro qurolini joylashtirishni taqiqlovchi BMT rezolyutsiyasiga veto qo‘ygan edi. Hujjat mamlakatlarni 1967 yilda imzolangan Kosmos to‘g‘risidagi shartnomaga muvofiq “Yerga yaqin orbitalarga yadroviy qurol yoki boshqa ommaviy qirg‘in qurollari tashuvchi obyektlarni joylashtirmaslik”ni nazarda tutadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lionel Messi: "Mendagi bu xarakter farzandlarimga xam o‘tgan"
Ramzan Qodirov vahhobiylarning yaqinlarini o‘ldirishga chaqirdi
Dog‘istondagi hujum: ikki kun o‘tib nimalar ma’lum?
Parkentda oraliq masofani saqlamagan «KAMAZ» haydovchisi 4 ta avtomobilga zarar yetkazdi
Ma’muriy qamoqxonalarga tezkor-qidiruv faoliyatini amalga oshirish huquqi beriladi
Yevro—2024. Avstriya Niderlandiyani mag‘lub etdi, Fransiya esa Polsha bilan durang o‘ynadi
BAAlik jurnalist: "Eron - guruhdagi yaqqol favorit. O‘zbekiston terma jamoasi ikkinchi o‘rin uchun asosiy da’vogar"
Bugungi o‘yinlardan so‘ng Superliga jadvali qanday ko‘rinish oldi?
