Foto: NASA
NASA olimlari Yerga yaqin fazoda quyosh yelkanini yoyish bo‘yicha urinishi muvaffaqiyatli amalga oshirilganini ma’lum qildi.
Qayd etilishicha, yangi texnologiyaning sinovi 2023 yil aprelda uchirilgan Advanced Composite Solar Sail System (ACS3) bortida amalga oshirilgan.
Quyosh yelkanining o‘lchami tennis kortining yarmidek keladi — u 80 metr kvadratli polotno shaklida qurilma. Yelkan materiali fotonlarni tutib qolishga mo‘ljallangan. Fotonlarning massasi bo‘lmasada, ular obyekt bilan to‘qnashuvda impuls hosil qilishi mumkin.
ACS3 kosmik kemasi bir necha hafta davomida sinovlar olib boradi, bu esa jamoaga yelkanning kosmosdagi manyovrchanligini kuzatish imkonini beradi.
Orbitani ko‘zdan kechirish asnosida tadqiqotchilar quyosh yelkanlari bilan jihozlanadigan kelajakdagi missiyalarni loyihalash va boshqarishda aniqroq tasavvurga ega bo‘ladi.
«Tajribalar davomida olingan ma’lumotlar kosmik ob-havodan ogohlantiruvchi, asteroidlar razvedkasini olib boradigan sun’iy yo‘ldoshlarga o‘rnatiladigan yirik quyosh yelkanlarini loyihalashtirishga xizmat qiladi», — deyiladi missiya xabarida.
Orbitaga joylashtirilgan kosmik apparat balandligi Xalqaro kosmik stansiyadan qariyb ikki barobarga katta. Quyosh yelkaniga o‘rnatilgan kameralar yordamida olingan suratlar 4 sentyabr kuni e’lon qilinishi kutilmoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Bloomberg: “Mongoliyaga tashrifi chog‘ida Putinga daxlsizlik kafolatlangan”
«Barsa»dan jiddiy start. Flik chempionlik uchun kurashishini baralla e’lon qildi
Nazarboyevning sobiq kelini 12 yilga qamaldi
Mbappe “Real” istagiga qarshi bordi
Amerikalik milliarder Ilon Mask: “AQSH iqtisodi xavf ostida”
Duda 1939 yilgi hujum uchun Germaniyadan tovon puli talab qilmoqda
Zelenskiy Hindistonda tinchlik sammitini o‘tkazish niyatida
Rossiyalik yollanma askarlar Burkina-Fasoni tark etyapti