Foto: X / POTUS
AQSH prezidenti Jo Bayden Florida shtatining Uest-Palm-Bich shahridagi golf-klubda Donald Tramp bilan sodir bo‘lgan voqeadan so‘ng Qo‘shma Shtatlar Maxfiy xizmati ishini yuqori baholadi. «Maxfiy xizmat va uning huquq-tartibot idoralaridagi hamkorlaridan hushyorligi hamda sobiq prezident va uning atrofidagi odamlarning xavfsizligini ta’minlashga qaratilgan sa’y-harakatlari uchun minnatdorman», dedi Bayden 16 sentyabr, dushanba kuni X ijtimoiy tarmog‘ida e’lon qilgan bayonotda.
Oq uy rahbari ta’kidlaganidek, u sobiq raqibi saylovoldi poygasida jarohat olmagani haqidagi xabardan xursand bo‘lgan.
AQSHda ehtimoliy suiqasdga munosabat
Amerika Qo‘shma Shtatlari vitse-prezidenti lavozimiga respublikachi nomzod Jeyms Devid Vens o‘zining partiyadoshi uchun golf-klubdagi hodisa muvaffaqiyatli yakun topgani haqida bilib, xotirjam bo‘lganini yozdi. «Prezident Trampning xavfsiz ekanligidan xursandman. Bu xabar ommaga tarqalguncha men u bilan gaplashdim va hayratlanarlisi, uning kayfiyati yaxshi edi. Biz hali bilmagan narsamiz ko‘p, lekin bugun kechqurun bolalarimni yanada qattiqroq quchoqlayman va minnatdorchilik duosini o‘qiyman», dedi Vens.
Demokratik partiyadan davlat rahbari va vitse-prezidentlik lavozimiga nomzodlar Kamala Harris va Tim Uolz ham X ijtimoiy tarmog‘ida sodir bo‘lgan voqeaga izoh berib, zo‘ravonlikka yo‘l qo‘yib bo‘lmasligini qayd etdi. «Bu mamlakatda zo‘ravonlikka o‘rin yo‘q. Millat sifatida kim ekanligimiz muhim emas», - deb yozgan Uolz.
Tramp golf-klubidagi voqea
Taxminlarga ko‘ra, AQSH Maxfiy xizmati xodimi Donald Tramp golf maydonida bo‘lganida panjaradan miltiq uchi chiqib turganini ko‘rgan, keyin noma’lum shaxs bilan «aloqa o‘rnatgan».
Hodisa guvohining Palm-Bich okrugi sherifiga ma’lum qilishicha, u gumondorning butalar orasidan yugurib chiqib, qora Nissan mashinasiga o‘tirganini ko‘rgan. Voqea guvohi mashina va davlat raqamini suratga olishga muvaffaq bo‘ldi. Tez orada erkak qo‘lga olindi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy yangi avlod palubali qiruvchi samolyotini sinovdan o‘tkazishni boshladi
Rossiya Xarkovga aviabombalar bilan zarba berdi
Tomoq og‘rig‘ini antibiotiklarsiz davolash
“Hizbulloh” va husiylar Isroilga raketalar uchirdi
Eron Chamran-1 sun’iy yo‘ldoshini orbitaga muvaffaqiyatli chiqardi
Messi dubl qayd etdi, lekin Ronalduga yetishiga ancha bor...
Gvardiola: “Manchester Siti” o‘yinchilarini ko‘rgani ko‘zim yo‘q...
Tramp Rossiya haqida kutilmagan savol berdi
