Foto: Sipa Press
Fransiya Milliy assambleyasi (parlament quyi palatasi) byurosi mamlakat prezidenti Emmanuel Makronga nisbatan impichment jarayonini boshlash bo‘yicha rezolyutsiya loyihasini ma’qulladi.
“Milliy uyushma byurosi Emmanuel Makronni hokimiyatdan chetlatish tartibini ma’qulladi”, deb yozadi Le Parisien.
Makronni hokimiyatdan chetlatish taklifini “Yengilmas Fransiya” so‘l partiyasi ilgari surgan. Endilikda parlament quyi palatasining oliy kollegial organi bo‘lgan Milliy uyushma byurosida 22 nafar a’zodan 12 nafari so‘l partiya vakillari bo‘lib, xabar qilinganidek, rezolyutsiyani qabul qilish uchun ulardan 12 nafari ovoz bergan.
Qayd etilishicha, Makron parlament saylovlarida ularning koalitsiyasi g‘alaba qozonganiga qaramay, hukumat tuzilishida so‘llarning ishtirokini rad etganidan keyin “Yengilmas Fransiya” o‘z tashabbusi bilan chiqqan.
“Makronni chetlatish oson bo‘lmaydi. Rezolyutsiya loyihasini 73 nafar deputatdan iborat qonunchilik komissiyasi qabul qilishi kerak. Biroq u yerda so‘llar ko‘pchilikni tashkil etmaydi – ular bor-yo‘g‘i 24 o‘ringa ega. Keyinchalik, Milliy assambleyaning uchdan ikki qismi loyiha bo‘yicha ovoz berishi lozim. Shundan so‘ng loyiha Senatda (parlamentning yuqori palatasi) tasdiqlanishi kerak, so‘llar bu yerda ham kamchilikni tashkil qiladi”, deyiladi xabarda.
Agar rezolyutsiya ushbu bosqichdan o‘tsa, parlamentning har ikki palatasi umumiy yig‘ilish o‘tkazadi. Mazkur rezolyutsiyani 925 nafar deputatdan kamida 617 nafari qo‘llab-quvvatlasa, Makron zudlik bilan prezidentlik lavozimini tark etishi kerak bo‘ladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ukraina Kursk oblastida egallab olgan hududlarining 40 foizdan ortig‘ini yo‘qotdi
