Foto: “tengri.news”
Global Peace Index (GPI) ma’lumotlariga ko‘ra, 2024 yilda Qozog‘iston Yevrosiyo mintaqasidagi eng tinch davlat sifatida e’tirof etildi.
Qayd etilishicha, o‘tgan yilga nisbatan mamlakatning jahondagi umumiy reytingi 10,8 foizga yaxshilangan, bu esa reytingning 78-o‘rindan 59-o‘ringa ko‘tarilishiga sabab bo‘lgan.
Biroq ko‘rsatkichlar yaxshilanganiga qaramay, noqulay ijtimoiy-iqtisodiy vaziyat va aholining noroziligi tufayli mamlakatda ichki nizolar kelib chiqish xavfi prognoz qilingan.
“Qozog‘iston barcha sohalarda yaxshilanishlarni qayd etdi. Eng sezilarli yaxshilanishlar zo‘ravonlik namoyishlari, ichki nizolarning intensivligi, yadroviy va og‘ir qurollarning, shuningdek, qurollarni import qilish yo‘qligi ko‘rsatkichlarida kuzatilgan”, deydi Tinchlik instituti xalqaro ekspertlari.
Ekspertlarga ko‘ra, “2022 yilgi tartibsizliklarga sabab bo‘lgan ko‘plab ijtimoiy-iqtisodiy omillar va shikoyatlar hal etilmagan hamda mamlakatda yomonlashib borayotgan siyosiy terrorchilik bu mojaro muammolari yaqin kelajakda qaytalanishi mumkinligini ko‘rsatmoqda”.
Mutaxassislarning qo‘shimcha qilishicha, 2024 yilda Rossiya va Yevrosiyo mintaqasi boshqa hududlarga nisbatan ko‘rsatkichlar bo‘yicha eng ko‘p yaxshilanishni boshdan kechiradi, shu bilan birga, mintaqadagi osoyishtalikning o‘rtacha darajasi 0,6 foizga oshgan.
“Bu o‘tgan yil davomida tinchlik darajasi yaxshilangan dunyodagi yagona mintaqa edi, ammo 2024 yilda Ukraina—Rossiya mojarosi tufayli mintaqadagi tinchlik darajasi pastligicha qolmoqda. Joriy yilda mintaqaning 12 davlatidan to‘rttasida tinchlik holati yaxshilangan, sakkiztasida esa yomonlashgan”, deyiladi tadqiqotda.
Yevrosiyo mintaqasidagi mamlakatlarning 2024 yildagi GPI bo‘yicha reytingi:
Qozog‘iston – 59-o‘rin;
O‘zbekiston – 60-o‘rin;
Moldova – 63-o‘rin;
Tojikiston – 71-o‘rin;
Armaniston – 76-o‘rin;
Qirg‘iziston – 77-o‘rin;
Turkmaniston – 82-o‘rin;
Gruziya - 100-o‘rin;
Ozarbayjon – 106-o‘rin;
Belarus – 112-o‘rin;
Rossiya - 157-o‘rin;
Ukraina – 159-o‘rin. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lionel Messi o‘z prodyuserlik kompaniyasiga asos soldi
Xitoy mamlakatlarni jungli qonunidan voz kechishga chaqirdi
Tramp Zelenskiyning AQSHga tashrifi chog‘ida u bilan uchrashishdan bosh tortdi
Tramp: Rossiya Gitler va Napoleonni mag‘lub etgan, Moskva mag‘lubiyatini kutishning hojati yo‘q
“O‘zbekiston go‘zali”: “Uning shartiga ko‘nsam, Lamborghini olib berishini aytgan”
Xitoy qit’alararo ballistik raketani ilk bor ommaviy sinovdan o‘tkazdi
Shvetsiya Eronni Qur’on yoqib yuborilgani uchun qasos olganlikda ayblamoqda
Chexiya prezidenti: "Urush oqibatida Ukraina hududlarini yo‘qotadi”
