© Nobel qo‘mitasi
Tinchlik bo‘yicha 2024 yilgi Nobel mukofoti Yaponiyaning “Nihon Hidankyo” jamoat tashkilotiga berildi. Bu haqida Nobel qo‘mitasi bayonotida aytib o‘tilgan.
"Dunyoni yadroviy quroldan xoli qilish yo‘lidagi sa’y-harakatlari va yadro qurolidan boshqa hech qachon foydalanish kerak emasligini namoyish qilgani uchun", - deyiladi bayonotda.
“Nihon Hidankyo” – Yaponiyaga atom bombasi hujumida omon qolganlar jamoat tashkiloti 1956 yilda tashkil qilingan. Tashkilotning asosiy maqsadi – yadroviy bombardimondan zarar ko‘rganlarga yordam berish va dunyo davlatlarini yadroviy quroldan voz kechishga ko‘ndirish.
"Nihon Hidankyo"ning 84 yoshli rahbari Sueychi Kido ushbu mukofot ularning uzoq yillik faoliyatining e’tirofi ekanini ta’kidladi.
“O‘ylaymanki, bu mukofot bizning uzoq yillik faoliyatimiz e’tirofi. Ko‘z oldimda, hozir olamdan o‘tib ketgan, ushbu uyushmani tashkil qilgan katta yoshli safdoshlarim gavdalanmoqda. Ular atom bombasi qurbonlari soni oshmasligiga umid qilib ushbu uyushmani tashkil qilgan edi", - dedi Kido.
Undan tashqari, uyushma rahbari AQSH uzoq vaqtdan beri ularga bosim o‘tkazib kelayotgani va Yaponiya hukumati ham ularga hech qanday yordam bermayotgani haqida gapirdi.
"Xirosima va Nagasakidagi g‘ayriinsoniy xatti-harakatlardan so‘ng biz uzoq vaqt davomida Amerika Qo‘shma Shtatlari zulmi ostida qoldik va Yaponiya hukumati tomondan ham unutildik”, - dedi Kido o‘z nutqida.
Uyushma raisi, shuningdek, 2017 yilda Yadro qurolini taqiqlash to‘g‘risidagi shartnomaning qabul qilinishi asosan “Nihon Hidankyo” tashkilotining faoliyati tufayli amalga oshganiga ishonch bildirdi.
Xirosima va Nagasakiga tashlangan bombaning portlashi oqibatida bir kunda 70 mingdan 100 minggacha odam halok bo‘lgan, 1945 yil oxiriga kelib jarohatlari va radiatsiya tufayli qurbonlar soni 140 mingga yetgan. 2023 yilda esa atom bombasi qurbonlar soni 350 mingdan oshgan.
Tinchlik bo‘yicha, Nobel mukofoti, Yaponiya uyushmasi, Nihon Hidankyo “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
20 yoshli o‘zbekistonlik qizni qarindoshi Turkiyaga sotib yubordi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
