Yevropa ittifoqi mamlakatlaridagi aholiga kiberhujum va diversiyalar kabi inqirozli vaziyatlar ehtimoliga uch kunlik zahira to‘plash tavsiya etildi. Tegishli ma’lumot Yevrokomissiya hisobotida e’lon qilindi. Bu haqda Deutsche Welle xabar berdi.
Fuqarolik va harbiy ta’minotni kuchaytirish to‘g‘risidagi hisobotda zarur narsalar zahirasini to‘plash haqida gap boradi. Shuningdek, kimyoviy, biologik yoki yadroviy hodisalar yuz berganda qanday yo‘l tutish bo‘yicha yo‘riqnomalar ishlab chiqish tavsiya etilgan.
Yevrokomissiya raisi Ursula fon der Lyayen ta’kidlashicha, birgina tugmani bosish elektr tarmog‘ini ishdan chiqarib, butun shaharlarni zulmatga cho‘mdirishi mumkin.
Yevrokomissiya, shuningdek, aholiga ko‘rilayotgan choralarning zarurligini tushuntirish maqsadida Yevropada inqirozli vaziyatlarga tayyorgarlik kunini joriy etishni taklif qildi. Hisobot mualliflari Rossiyaning gibrid hujumlariga va Yevroittifoqdagi vaziyatni beqarorlashtirish urinishlariga YEI yetarli darajada tayyor emasligini bildirdi.
Mutaxassislar maxsus diversiyaga qarshi tarmoq yaratishni zarur deb hisoblaydi. Hisobot mualliflari fikricha, terrorizm, josuslik va diversiyalarga qarshi kurashish uchun shifrlangan ma’lumotlarga kirish imkonini beradigan huquqiy asoslar yaratish kerak.
Shuningdek, mudofaa mahsulotlarining yagona Yevropa bozorini tashkil etish tavsiya etilgan. Bu qurol-yarog‘ va harbiy texnika xarid qilishdagi to‘siqlarni bartaraf etishi kutilmoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yuk mashinalari haydovchilari uchun yangi tartib kuchga kirdi
Leonid Kuchma: Rossiya bilan urushmaslik uchun Ukraina oldida ikki yo‘l bor edi
JAR Xalqaro sudga Isroil jinoyatlari bo‘yicha dalillarni taqdim etdi
“Oltin to‘p” tashkilotchilari nima uchun mukofot Vinisiusga emas, Rodriga berilganini tushuntirdi
Nima uchun badavlat insonlar doim oddiy kiyinadi?
«Hizbulloh»ning yangi rahbari ma’lum bo‘ldi
O‘t qopidagi toshlar qanday va qayerdan paydo bo‘ladi?
Toshkentning uch tumanida elektr ta’minoti vaqtincha o‘chiriladi
