Foto: “RIA Novosti”
Rossiya Tashqi ishlar vazirligining rasmiy vakili Mariya Zaxarovaning Ukraina 2024 yilda almashish uchun taklif qilingan ayrim ukrainalik harbiy asirlarni qabul qilishdan bosh tortganini aytdi.
TIV vakilining so‘zlariga ko‘ra, Rossiya Mudofaa vazirligi joriy yilda Ukraina tomoniga 935 nafar ukrainalik harbiy asirni almashish uchun taklif qilgan, biroq Kiyev atigi 279 kishini qabul qilishga rozi bo‘lgan.
Zaxarovaning ta’kidlashicha, Kiyev Chernobil AES xavfsizlik bo‘linmasi, shuningdek, bir nechta hududiy mudofaa brigadalari - 102, 111, 118 va 126 mahbuslarni qabul qilishdan bosh tortmoqda.
Rossiya TIV vakilining so‘zlariga ko‘ra, Moskva “asirlarni almashish masalasi bo‘yicha muloqotni hech qachon rad etmagan”.
Zaxarovaning bayonotlari fonida Rossiyadagi Inson huquqlari bo‘yicha komissar Tatyana Moskalkova Ukrainani ijtimoiy tarmoqlar orqali “konstruktiv muloqotga qaytishga va mahbuslar almashinuvini tezlashtirishga” chaqirgan.
Ukraina rasmiylari bu bayonotlarga hozircha izoh bermagan.
Meduza nashrining qayd etishicha, Zaxarovaning Rossiya tomonidan almashish uchun taklif qilgan ukrainalik harbiy asirlar soni haqidagi ma’lumotlari Rossiya Mudofaa vazirligining ma’lumotlariga to‘g‘ri kelmaydi. Rossiya Mudofaa vazirligi e’lon qilgan rasmiy xabarlarga ko‘ra, Rossiya va Ukraina 2024 yil boshidan buyon to‘qqiz marta asir almashgan. Bu vaqt ichida Rossiya 1116 nafar ukrainalik harbiy asirni Ukrainaga o‘tkazgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
