Foto: AFP
Demokratik partiyadan prezidentlikka nomzod Kamala Harris agar u g‘alaba qozonsa, Oval kabinetga vazifalar ro‘yxati bilan kelishini, respublikachi raqibi Donald Tramp esa o‘z dushmanlari ro‘yxati bilan kelishini aytdi.
Avvalroq Tramp, agar u g‘alaba qozonsa, 2020 yilgi saylov natijalarini soxtalashtirishda ishtirok etgan siyosatchilar, amaldorlar va saylovchilarni tergov qilishga va’da bergan edi. U avvalgi saylovlardagi mag‘lubiyatini tan olishni istamasligini bildirgan.
“Tramp butun vaqtini o‘zi, noroziliklari, qasos olish rejalari haqida gapirishga sarflaydi, u Oval kabinetiga dushmanlar ro‘yxati bilan borsa, men Amerika xalqi oldidagi vazifalarim ro‘yxati bilan boraman”, dedi Harris V-103 radiostansiyasiga bergan intervyusida.
U o‘zining saylovoldi kampaniyasida o‘rta sinfning iqtisodiy ahvolini yaxshilash va inflyatsiyani pasaytirish uchun harakat qilish va’dalarini takrorlagan.
Hozirda AQSHda prezidentlik saylovlari bo‘lib o‘tmoqda. Demokratik partiyadan vitse-prezident Harris, Respublikachilar partiyasidan esa sobiq prezident Tramp vakillik qilmoqda.
Polymarket bukmekerlik agentligi ma’lumotlariga ko‘ra, Trampning prezidentlik saylovlarida g‘alaba qozonish ehtimoli 61 foizni tashkil etadi.
Uning hisob-kitoblariga ko‘ra, Trampning prezidentlik uchun kurashdagi raqibi Kamala Harrisning imkoniyatlari 39 foizga baholanmoqda. Oq uy sobiq rahbarining g‘alabasiga tikilgan pullar miqdori qariyb 1,3 milliard dollar, amaldagi vitse-prezidentniki esa 808 million dollardan iborat. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Jamshid Saidov: "Yosh bolalardek o‘ynadik, raqib bizni yanchib tashladi"
