Odamlar o‘limiga ko‘proq sabab bo‘layotgan eng xavfli avtomobillar sanaldi

^{Foto: iseecars.com}
iSeeCars mutaxassislari baxtsiz hodisalar haqidagi ma’lumotlarni o‘rganib chiqib, halokatli falokatga uchrash ehtimoli ikki baravar yuqori bo‘lgan modellarni aniqladi.

Eng xavfli avtomobillar beshtaligiga Hyundai Venue, Chevrolet Corvette, Mitsubishi Mirage, Porsche 911 va Honda CR-V Hybrid kirdi. Ularning o‘lim darajasi avtomobillar bo‘yicha o‘rtacha ko‘rsatkichdan deyarli besh baravar yuqori.

Tesla kompaniyasining ikkita modeli — Model Y va Model S haydovchilarga yordam berishning ilg‘or texnologiyalariga ega bo‘lganiga qaramay, eng xavfli avtomobillar ro‘yxatiga kirdi.

Brendlar orasida Tesla eng yuqori o‘lim darajasiga ega, undan keyingi o‘rinlarni Kia, Buick, Dodge va Hyundai egallab turibdi.

Ixcham va kichik o‘lchamdagi avtomobillar o‘lim darajasining eng yuqori ko‘rsatkichlariga ega — har bir milliard milya uchun 3,6 o‘lim.

Katta o‘lchamli modellar eng past o‘lim darajasiga ega, har bir milliard milga 2,0 o‘lim.

Top-10 eng xavfli avtomobillar (har milliard milga o‘limlar soni):

1. Hyundai Venue — 13.9
2. Chevrolet Corvette — 13.6
3. Mitsubishi Mirage — 13.6
4. Porsche 911 — 13.2
5. Honda CR-V Hybrid — 13.2
6. Tesla Model Y — 10.6
7. Mitsubishi Mirage G4 — 10.1
8. Buick Encore GX — 9.8
9. Kia Forte — 8.1
10. Buick Envision — 8.0

iSeeCars reytingni tuzishda AQSH o‘limlar tahlili tizimi (FARS) ma’lumotlaridan foydalangan. Tahlil faqat 2017 – 2022 yillar oralig‘idagi avariyalar ishtirokchisi bo‘lgan va 2018 - 2022 yillarda ishlab chiqarilgan avtomobillarni o‘z ichiga olgan. “Zamin” yangiliklarini “Odnoklassniki”da kuzatib boring