Foto: The New York Times
AQSHning saylangan prezidenti mamlakatda strategik neft zaxirasiga o‘xshash strategik bitkoin zaxirasini yaratish rejalarini e’lon qilganidan so‘ng, bitkoin yangi rekord o‘rnatdi va 106 ming dollardan oshdi.
Eng mashhur va kapitalizatsiyasi bo‘yicha eng katta kriptovalyuta hisoblanmish bitkoin kursi 106780 dollarga yetdi. Ikkinchi yirik kriptovalyuta — efir kursi ham 3952 dollarga ko‘tarildi.
IG kompaniyasi tahlilchisi Toni Sikamorning so‘zlariga ko‘ra, “birja bozorida bitkoin 110 ming dollarga yetishi kutilmoqda”.
Bitkoin va boshqa kriptovalyutalar e’tibor markaziga tushdi, chunki investorlar Trampning bo‘lajak ma’muriyati kriptovalyutaga nisbatan do‘stona tartibga solish muhitini yaratishiga umid qilmoqda. Bir yil ichida bitkoin 192 foizga o‘sdi.
“Biz kriptovalyuta bilan sezilarli ishlarni amalga oshirmoqchimiz, chunki Xitoy yoki yana kimdir uni qabul qilishini xohlamaymiz. Biz yetakchi bo‘lishni istaymiz”, dedi Tramp CNBC telekanaliga bergan intervyusida.
Undan neft zaxirasiga o‘xshash kriptovalyuta zaxirasini yaratish rejalashtirilyaptimi, deb so‘rashganida, Tramp “Ha, o‘ylaymanki, ha,” deya ijobiy javob berdi.
CoinGecko tahliliy portalining qayd etishicha, iyul holatiga ko‘ra, dunyo mamlakatlari hukumatlari umumiy bitkoin hajmining 2,2 foiziga egalik qilishgan, Qo‘shma Shtatlar esa 20 milliard dollardan ortiq qiymatga ega deyarli 200 ming bitkoinga egalik qilgan.
AQSH Federal zaxira raisi Jerom Pauell shu oyning boshida bitkoinni oltin bilan taqqoslagan edi.
Tahlilchilarning ta’kidlashicha, kriptovalyuta zaxirasini yaratish uchun vaqt talab etiladi.
“O‘ylaymanki, biz hali ham bitkoinning strategik zaxirasiga nisbatan ehtiyotkor bo‘lishimiz kerak va hech bo‘lmaganda bu yaqin kelajakda sodir bo‘lmasligi mumkinligini hisobga olishimiz kerak”, dedi Perrerstone tadqiqot bo‘limi rahbari Kris Ueston.
5 noyabr kuni bo‘lib o‘tgan prezidentlik saylovlarida Tramp g‘alaba qozonganidan so‘ng, bitkoin 50 foizdan ko‘proqqa oshgan edi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xorijlik mutaxassislar uchun 2024 yildagi eng yaxshi shaharlar reytingi e’lon qilindi
Abduqodir Husanovning transfer bahosi Ronalduniki bilan tenglashdi, navbat Messiga(mi?)
Namanganda xalqaro ko‘rgazma: qiymati xonadonga teng otlar, 200 kiloli qo‘ylar va osmonga uchirilgan kabutarlar (foto, video)
Turkiya Suriyaning yangi hukumatini harbiy sohada qo‘llab-quvvatlamoqchi
O‘zbekistonda dollar rasmiy kursi yana oshdi
Dunyodagi eng yirik aysberg yana harakatlanishni boshladi
Janubiy Koreya prezidentiga impichment e’lon qilindi
Kelgusi hafta boshi uchun ob-havo prognozi e’lon qilindi
