Xitoy tug‘ilishni oshirishning noodatiy yo‘llarini topdi

Xitoy tug‘ilish kampaniyasini kengaytirib, yolg‘iz odamlarni turmushga chiqishga va oilalarni bir nechta farzand ko‘rishga ko‘ndirish uchun turli yo‘llar bilan harakat qilmoqda.

Financial Times (FT) ma’lumotlariga ko‘ra, imtiyozlar ham mahalliy, ham milliy miqyosda amalga oshirilmoqda. Mahalliy hokimiyat vakillari turmush qurgan ayollarga qo‘ng‘iroq qilib, farzand ko‘rish rejalari haqida so‘rashadi.

Xitoy aholisi bilan suhbatlar va Xitoy ijtimoiy tarmoqlaridagi nashrlardan ma’lum bo‘lishicha, ko‘plab ayollar sog‘lig‘ini tekshirish uchun antenatal klinikalarga taklif qilinadi. Bir yoki bir nechta farzandi bo‘lgan oilalarga ko‘proq farzand ko‘rish uchun maxsus nafaqa beriladi.

Chjetszyan shahrida yashovchi fuqaroning so‘zlariga ko‘ra, mahalliy hokimiyat ayollarga ikkinchi farzandni dunyoga keltirsa, 100 ming yuan (14 ming dollar) va’da qilgan. Bundan tashqari, universitetlar yolg‘iz talabalarga qaratilgan "nikoh va sevgi kurslarini" joriy etishlari tavsiya etilgan.

Xitoyning Milliy sog‘liqni saqlash komissiyasi bu oy aytganidek, "universitetlar talabalar uchun oila qurish asoslarida muhim joy". Shu bilan birga, qo‘mita tomonidan talabalar o‘rtasida o‘tkazilgan so‘rov ma’lumotlari shuni ko‘rsatdiki, respondentlarning 57 foizi hali oila qurishni xohlamaydilar, chunki ular o‘qish bilan birga ko‘p ishlashlari kerak. “Zamin” yangiliklarini “Facebook”da kuzatib boring