Yaman husiylari Tel Aviv aeroportiga hujum uyushtirdi

^{Foto: Global Look Press}
Yamanning “Ansor Alloh” husiylar harakati Isroil ob'ektlariga raketa hujumi uyushtirdi. Hujumning asosiy nishoni Tel Avivdagi Ben-Gurion aeroporti boʻldi. Bu haqda harakat rasmiy vakili Yahyo Sariya ma'lum qildi.

"Yaman qurolli kuchlari raketa qoʻshinlari bosib olingan Yaffo hududidagi Ben-Gurion aeroportiga qarshi “Falastin-2” rusumli gipertovushli ballistik raketa yordamida harbiy operatsiya oʻtkazdi", deb xabar berildi harakat vakilining Telegram kanalida.
Yahyo Sariya matbuot xizmati ma'lumotiga koʻra, raketa nishonga etib borgan va aeroport faoliyatiga zarar etkazgan.

Bundan oldin Isroil Mudofaa armiyasi (SAXAL) Yaman tomonidan raketa uchirilgani haqida xabar bergan edi. SAXAL matbuot xizmati ma'lumotiga koʻra, havo ob'ekti urib tushirilgan.

Husiylar, shuningdek, Isroil portlaridan biriga yoʻl olgan Santa Ursula havo kemasiga dronlar yordamida zarba berganini ma'lum qilgan.

"Harbiy-havo kuchlari Sokotra orolining sharqida, Arabiston dengizida Santa Ursula kemasiga qarshi dronlar yordamida operatsiya oʻtkazdi. Kemaga egalik qiluvchi kompaniya bosib olingan Falastin portlariga kirishni taqiqlash toʻgʻrisidagi qarorni buzgani uchun hujum nishoniga aylandi", deyiladi bayonotda.

Bir kun avval Isroil armiyasi Yaman poytaxtidagi xalqaro aeroportga havo hujumlarini amalga oshirgan edi.

^{Foto: Al Masirah}
Aviazarbalar oqibatida 3 kishi halok boʻlgan, ularning ikki nafari aeroport xodimlari, yaradorlardan biri esa BMTning xususiy samolyoti ekipaji a'zosi boʻlgan. Hodisa vaqtida aeroportdagi bir nechta samolyotga zarar etgan. Al-Mayadeen telekanalining xabar berishicha, Sanaa aeroportidagi boshqaruv minorasi vayron qilingan. Qator OAV xabarlariga koʻra, Isroil harbiy-havo kuchlari Yamanning Xodeyda port shahriga ham hujum qilgan.

Havo hujumlari Yamandagi husiy etakchisi Abdul Malik al-Xutiyning televidenie orqali chiqishi chogʻida amalga oshirilgan. “Zamin” yangiliklarini “Instagram”da kuzatib boring