Moskvaning Taganskiy sudi TikTok ijtimoiy tarmogʻini «axborotdan foydalanishni cheklash tartibini buzganlik» uchun ma'muriy modda boʻyicha 3 million rubl miqdorida jarimaga tortdi, deyiladi 27 dekabr, juma kuni «Moskva shahrining umumiy yurisdiktsiya sudlari» Telegram-kanalida chop etilgan postda.
Rossiyada yarim yilda TikTok uchun uchinchi jarima
Taganskiy sudi tomonidan belgilangan jarima soʻnggi olti oy ichida Rossiyada ijtimoiy tarmoq uchun uchinchi shunday jazo boʻldi. Shu tariqa, joriy yilning noyabr va iyul oylarida TikTok ikki marta Roskomnadzorning «koʻrsatmalariga rioya qilmagani» uchun 4 million rubl miqdorida jarimaga tortildi.
TikTok Ukrainada urush boshlanganidan beri Rossiyada cheklovlar bilan ishlamoqda
2022 yil mart oyi boshida TikTok platformasi Ukrainadagi urush boshlangandan keyin qabul qilingan Rossiya armiyasi haqidagi «feyklar» toʻgʻrisidagi qonun tufayli rossiyalik foydalanuvchilarga video yuklash, jonli efir oʻtkazish, reklama, video va boshqa mamlakatlar foydalanuvchilarining akkauntlarini koʻrishni taqiqlagan edi.
2024 yilning may oyida Rossiya OAV ijtimoiy tarmoq Rossiya Federatsiyasida qisqa muddatga toʻlaqonli ishlay boshlaganini, biroq bir necha soatdan soʻng cheklovlar qaytganini xabar qildi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
