Kim Chen In hotdog eyishni taqiqladi

^{Illyustrativ foto: Grok}
Shimoliy Koreya etakchisi Kim Chen In aholiga hotdoglar iste'mol qilishni taqiqlab, ajrashmoqchi boʻlgan er-xotinlarni qamoqqa tiqishni buyurdi. Bu haqda Daily Mail xabar berdi.

40 yoshli rahbar tez tayyorlanadigan bu mashhur taomni “juda gʻarbona” deb ta'kidlab, uni tarqatish “davlatga xiyonat” sifatida baholanishini aytdi. Koʻchada hotdog sotgan yoki uni uyida tayyorlagani uchun qoʻlga tushgan shimoliy koreyaliklar mehnat lagerlariga joʻnatilishi mumkin.

KXDRda, shuningdek, bude-chchige sotish ham taqiqlandi. Bu koreys-amerika taom boʻlib, bulyon, koreys achchiq qalampir pastasi, kimchi, amerika spami, loviya va kolbasalardan tayyorlanadi.

Taklif etilgan yangi repressiv choralar qatorida ajrashishni istaganlarni olti oyga qamash ham bor. Mamlakatda nikohni bekor qilish “sotsialistik” harakat sifatida qaraladi. Bunda ayollarga nisbatan uzoqroq qamoq jazosi ham qoʻllanilishi mumkin.

Ilgari faqat ajrashish tashabbusi bilan chiqqan tomon, hatto jismoniy zoʻravonlik holatlarida ham jazolanardi. Shimoliy Koreyada karantin bilan bogʻliq cheklovlar er-xotinni qiyin moliyaviy ahvolga solib qoʻygan COVID-19 fonida ajrashishlar soni koʻpaygandi. “Zamin” yangiliklarini “Facebook”da kuzatib boring