Los-Anjelesdagi yongʻin kelib chiqishining texnogen sababi oʻrganiladi

^{Foto: Myung J. Chun/Los Angeles Times/Getty Images}
Southern California Edison kompaniyasining ma'lum qilishicha, yongʻin xavfsizligi xodimlari uning uskunalarini San-Fernando yaqinidagi «Hyorst» yongʻiniga aloqador boʻlishi mumkinligini tekshirmoqda. Bu haqda Bloomberg xabar berdi.

Kompaniya taqdim etgan hujjatlarda Eagle Rock Sylmar elektr uzatish liniyasiga ulangan minorada simning uzilishi qayd etilgan. Hozircha uzilish yongʻindan oldin yoki keyin sodir boʻlgani noma'lum.

«Hyorst» yongʻini 7 yanvar kuni kechqurun boshlandi va 312 gektar maydonni qamrab oldi. Kaliforniya oʻrmon xoʻjaligi va yongʻindan himoya qilish departamentiga koʻra, uning 70 foizi nazoratga olindi. Edison kompaniyasi uskunalari halokatli yongʻinga aloqador boʻlishi mumkinligi haqidagi xabardan keyin investorlarning xavotirlari fonida kompaniya aktsiyalari narxi tushib ketdi.

Rasmiy ma'lumotlarga koʻra, yongʻin qurbonlari soni 16 kishiga etdi, yana 13 kishi bedarak yoʻqolgan. 12 yanvar kuni oʻzgaruvchan shamollar yongʻinni Brentvud va San-Fernando vodiysi togʻ etaklari sharqidagi ilgari zarar koʻrmagan hududlarga olib bordi.

Avvalroq Los-Anjeles politsiyasi shahar chekkasida sodir boʻlgan yongʻin boʻyicha gumonlanuvchini qoʻlga olgan edi. U mahalliy aholi tomonidan ushlanib, keyin politsiyaga topshirilgan. U 30 yoshli uysiz erkak boʻlib chiqdi. U oʻrmonga oʻt qoʻygani taxmin qilinmoqda. “Zamin” yangiliklarini “Telegram”da kuzatib boring