Tramp Grenlandiyaga nega qattiq qiziqayotgani ma'lum boʻldi

AQShning saylangan prezidenti Donald Tramp Grenlandiyani neft va gaz zaxiralari uchun sotib olishni istamoqda, deb yozadi Politico.

Grenlandiyaning neft va gaz konlaridan foydalanish Amerika kompaniyalari uchun foydali biznesga aylanishi mumkin, deya qayd etadi nashr.

AQSh Geologik xizmati 2019 yilda orolda taxminan 31,4 million barrel neft va 4,2 trillion kub tabiiy gaz borligini taxmin qildi. Shu bilan birga, ishlab chiqarishni boshlash uchun katta investitsiyalar talab qilinadi, ammo biznesning rentabelligi ancha yuqori boʻlib qolmoqda, deya ta'kidladi Politico.

Gazetaning eslatishicha, 2021 yildan beri Grenlandiyada uglevodorod ishlab chiqarishga moratoriy Arktika ekologiyasi uchun ekologik xavflar tufayli amal qiladi. Ekologlarning Politico nashriga aytishicha, agar qazib olish ishlari boshlansa, orol mahalliy fauna va flora uchun jiddiy oqibatlarga olib kelishi mumkin, ularni qayta tiklash uchun oʻnlab yillar va hatto asrlar kerak boʻlishi mumkin.

Tramp 2024 yil oxiridan beri Grenlandiyani nazorat qilish rejalarini e'lon qilib keladi. U buni “butun dunyoda milliy xavfsizlik va erkinlik masalasi” deb atadi.

Respublikachi bu maqsadda harbiy kuch ishlatmaslikka va'da bermagan. 15 yanvar kuni Daniya bosh vaziri Mette Frederiksen Donald Tramp bilan telefon suhbatida orolning mustaqilligi masalasini faqat uning aholisi hal qilishi kerakligini ta'kidlagan. “Zamin” yangiliklarini “Telegram”da kuzatib boring