Krishtianu Ronaldu Jorjina Rodrigesni tugʻilgan kuni bilan qanday tabrikladi?

27 yanvar kuni Portugaliya terma jamoasi hujumchisi Krishtianu Ronaldu sevgilisi Jorjina Rodrigesning tugʻilgan kunini nishonladi. Jorjina shu kuni 31 yoshga toʻldi.

“An-Nassr” hujumchisi Krishtianu Ronaldu oʻzining Instagram sahifasiga post joylab, farzandlarining onasini tugʻilgan kuni bilan minnatdorlik soʻzlari ila tabrikladi:

“Ona, doʻst, sevgilim, mening rafiqam. Tugʻilgan kuning bilan, azizam. Sening nuring bizni yoritadi, sevging esa bizni ilhomlantiradi”, deb yozdi Krishtianu.

Jorjinaga ushbu postdan tashqari, yurak shaklida terilgan ulkan atirgul guldastasi va ustida “tugʻilgan kuning bilan, Jorjina” deb yozilgan tort sovgʻa qilindi.

Juftlik 2016 yildan beri uchrashib keladi. Koʻpchilik ular yashirincha turmush qurganiga ishonadi. Jorjina va Ronaldu 5 farzandni tarbiya qilib kelishmoqda. “Zamin” yangiliklarini “Telegram”da kuzatib boring