Tramp xavfli virus tadqiqotlarini moliyalashtirishni taqiqladi

2025 yil 5 may kuni AQSh prezidenti Donald Tramp xavfli virus tadqiqotlarini moliyalashtirishni to‘xtatish to‘g‘risidagi farmonni imzoladi, deb Kursiv Media xabar berdi. Bu tadqiqotlar patogenlarning yuqumliligi yoki o‘limga olib kelish salohiyatini oshirishga qaratilgan bo‘lib, COVID-19 pandemiyasiga olib kelgani taxmin qilingan.

Farmonga ko‘ra, AQSh federal hukumati Xitoy, Eron kabi davlatlardagi va yetarli tadqiqot nazoratiga ega bo‘lmagan boshqa xorijiy mamlakatlardagi "gain-of-function" tadqiqotlariga moliya ajratishni to‘xtatadi. Shuningdek, AQShdagi yuqumli patogenlar va toksinlar bilan bog‘liq tadqiqotlar ham vaqtincha to‘xtatiladi.

Bu qaror AQSh razvedka agentliklari, jumladan FBR, Markaziy razvedka boshqarmasi va Energetika vazirligi tomonidan COVID-19 virusining kelib chiqishi bo‘yicha laboratoriyadan chiqib ketish nazariyasiga qo‘shilishlari fonida qabul qilindi. Tramp ma'muriyati bu tadqiqotlarning xavfli ekanligini va yangi pandemiyalarga sabab bo‘lishi mumkinligini ta'kidladi. “Zamin”ni Telegramʻda oʻqing!