Gari Lineker BBC bilan xayrlashmoqda: G‘azo bo‘yicha tanqid uni ishidan ayirishi mumkin

Angliya futbolining mashhur arbitri va hozirda BBC telekanalida sport tahlili bilan shug‘ullanadigan yetakchi shaxslardan biri Gari Lineker yaqin vaqtda ishdan bo‘shatilishi mumkin. Bu haqda bir qator mahalliy va xalqaro nashrlar xabar tarqatdi.

Sabab — Linekerning ijtimoiy tarmoqda Isroilning G‘azo sektoridagi harbiy harakatlarini keskin tanqid qilgani va Falastin tarafdorligini bildiradigan videoni tarqatgani bo‘ldi. Keyinroq u bu kontentni o‘chirib tashladi va shaxsiy pozitsiyasi sifatida qabul qilinmasligini aytib, rasman uzr so‘radi. Shunga qaramay, BBC rahbariyati uning xatti-harakati korporativ siyosatga zid deb baholagan.

Insayderlarga ko‘ra, Linekerning efirdagi faoliyati 25 mayda yakunlanishi mumkin. Bu sana Angliya chempionati rasman o‘z yakuniga yetgan kun hisoblanadi va bu Linekerning BBCdagi oxirgi ko‘rinishi bo‘lishi kutilmoqda.

Gari Lineker — nafaqat sobiq terma jamoa a’zosi, balki omma oldidagi prinsipial chiqishlari va faol fuqarolik pozitsiyasi bilan ham tanilgan. U ilgari ham bir necha bor muhojirlar va inson huquqlari bo‘yicha o‘z fikrlarini oshkora bayon qilgan, ammo bu galgi vaziyat uning karyerasidagi eng jiddiy to‘siqlardan biri bo‘ldi.

Zamin.uz tahririyati ushbu mojaro yuzasidan BBC rasmiy bayonotini hamda Linekerning keyingi qarorlarini kuzatishda davom etadi. Siz uning chiqishi va fikr erkinligi borasida qanday munosabatdasiz? Lineker ishini yo‘qotishga arziydigan harakat qildimi? “Zamin”ni Telegramʻda oʻqing!