Britaniya armiyasida sun’iy intellektning roli ortmoqda

Buyuk Britaniya mudofaa vaziri Jon Hilining ma’lum qilishicha, mamlakat harbiy salohiyatini mustahkamlash va NATO doirasida innovatsiyalarda yetakchilikni qo‘lga kiritish maqsadida sun’iy intellekt (SI) texnologiyalarini faol joriy etish rejalashtirilmoqda. Bu haqda “The Guardian” nashri ma’lum qilmoqda.

Harbiy strategiyada yangi bosqich

Jon Hilining ta’kidlashicha, yangilangan mudofaa strategiyasida sun’iy intellekt muhim o‘rin tutadi. Bu yo‘nalishdagi maqsad – Buyuk Britaniya armiyasini texnologik jihatdan ilg‘or va doimiy ravishda yangilanib boradigan tizimga aylantirish.

“Biz NATO tarkibidagi eng innovatsion kuch bo‘lishni maqsad qilganmiz. Buning uchun sun’iy intellekt — asosiy qurollardan biriga aylanmoqda”, – dedi Hili.

Estoniyada amaliyotda sinovdan o‘tkazilyapti

Ma’lumotlarga ko‘ra, britaniyalik harbiylar hozirda Estoniyada sun’iy intellektga asoslangan dasturlarni sinovdan o‘tkazmoqda. Ushbu texnologiya xavf-xatarlarni avtomatik ravishda tahlil qilib, mukammal qurollanish yechimlarini taklif qiladi.

Aniqroq aytganda, SI tizimi harbiy mutaxassislarsiz ham xavfli vaziyatlarda qaroriga asoslangan tavsiyalar bera oladi — bu jang maydonidagi tezkor qaror qabul qilish jarayonlarini sezilarli darajada tezlashtiradi.

Zamin.uz tahririyatidan:
Buyuk Britaniyaning bu tashabbusi sun’iy intellekt texnologiyalari nafaqat fuqarolik sohalarida, balki global mudofaa strategiyalarida ham qanday ahamiyat kasb etayotganini ko‘rsatadi. Siz nima deb o‘ylaysiz — SI texnologiyalari harbiy qarorlarni insonsizlashtirish orqali xavfsizlikni oshiradimi yoki etik muammolarni keltirib chiqaradi? “Zamin”ni Telegramʻda oʻqing!