Bugun tongda Isroilda sodir bo‘lgan navbatdagi havo hujumidan so‘ng mamlakatda o‘zini oqlagan xavfsizlik inshootlari — MAMAD xonalari ommaga namoyish etildi. Ular fuqarolarni havo zarbalari, portlash to‘lqinlari va kimyoviy tahdidlardan himoya qilishga xizmat qiladi.
MAMAD (ivritcha: Merxev Mugan Dirati — ya’ni, yashash uyi uchun mo‘ljallangan himoya xonasi) xonalari Isroilda 1950-yillardan boshlab barpo etila boshlangan. Ular aynan havo hujumlari xavfiga javoban yaratilgan bo‘lib, hozirgi kunda deyarli barcha yangi binolarda majburiy tarzda quriladi.
Bunday xonalarning asosiy jihatlari quyidagilar:
- Devorlari 25–30 santimetr qalinlikdagi temir-betondan ishlangan;
- Maxsus mustahkamlangan eshik va portlashga bardoshli oynalar o‘rnatilgan;
- Zarba to‘lqini va shikastlovchi moddalarga chidamli;
- Kimyoviy va biologik tahdidga qarshi filtrli havoni tozalash tizimi mavjud.
MAMAD xonalari ba’zi hollarda har bir kvartirada alohida, ayrim joylarda esa butun qavat yoki binoga umumiy tarzda quriladi. Ulardan favqulodda vaziyatlarda darhol foydalanish mumkin.
Tushdan oldin amalga oshirilgan havo zarbasidan so‘ng Isroil rasmiysi tomonidan halok bo‘lganlar qayd etilmagani bildirildi. Bunga asosiy sabab sifatida aynan xavfsizlik tizimlarining yuqori samaradorligi, jumladan, MAMAD xonalarining ahamiyati alohida ko‘rsatib o‘tildi.
Mutaxassislarning fikricha, bu kabi inshootlar nafaqat Isroil, balki tahdid ostidagi boshqa mamlakatlar uchun ham xavfsizlikda yangi bosqich bo‘lishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
