2025 yil 29 iyun kuni Blue Origin kompaniyasining navbatdagi New Shepard suborbital parvozi nafaqat kosmik turizmning yangi sinovi, balki inson qudrati va orzusining yana bir chegarasiga aylandi. Bu galgi sayohatda olti nafar turli sohalar vakillari — ekofaol Elli Kyuner va uning turmush o‘rtog‘i, yirik biznes va transport kompaniyalari rahbarlari, yuristlar va metsenatlar — Yer atmosferasidan tashqaridagi haqiqiy voqelikni o‘z ko‘zlari bilan ko‘rish baxtiga ega bo‘ldi, deb xabar berdi Blue Origin kompaniyasi.
Parvoz Texasning Van-Xorn shahri yaqinidagi mashhur Corn Ranch start maydonchasidan amalga oshirildi. Yagona pog‘onali, ko‘p martalik raketaning har bir texnik va xavfsizlik tizimi mukammal ishladi: uchish vaqti 10-11 daqiqani tashkil qildi, bu vaqt orasida ekipaj a’zolari nol gravitatsiya, Yerning chor atrofiga yoyilgan manzara va to‘liq erkinlik hissini to‘laqonli sinovdan o‘tkazdi.
New Shepard dasturi inson hayotini o‘zgartirishga qodir: zamonaviy kapsula olti nafar sayohatchi uchun maksimal qulaylik bilan jihozlangan, favqulodda holatlarda to‘liq avtomatlashtirilgan qutqaruv tizimlari va ishonchli parashyutlar bilan ta’minlangan. 110 soniyalik vertikal ko‘tarilishdan keyin kapsula raketa bo‘lagidan ajralib, 105 kilometr balandlikka ko‘tarildi. Turistlar uchun eng hayajonli palla — erkin suzish, yer sharini yuqoridan kuzatish va kosmik hayajonni his qilish bo‘ldi.
Kapsula uch daqiqaga yaqin vaqtni fazoda o‘tkazgach, parashyut yordamida xavfsiz va yumshoq qo‘ndi. NS-5 tashuvchi raketa esa muvaffaqiyatli qo‘nishni mustaqil amalga oshirdi. Shu tariqa, butun parvoz jarayonidagi xavfsizlik, texnologiya va inson orzusining uyg‘unligi yana bir bor o‘z isbotini topdi.
New Shepard parvozlari hozirda eng mashhur kosmik sayohatlardan biriga aylangan. Turistik bilet narxi 500 ming dollar atrofida bo‘lib, shu mablag‘ evaziga inson fazo va Yer o‘rtasidagi chegarani o‘z ko‘zlari bilan ko‘rish imkoniyatiga ega bo‘ladi. Bu narx bilan birga, sayohatning berayotgan hissi va taassurotlari ko‘pchilik uchun qimmatsiz boylikdir.
Bugungi kunda Blue Origin va boshqa kosmik kompaniyalar sa’y-harakatlari tufayli orzular endi fakat ilm-fan yoki fantastika emas — ular hayotimizga kirib kelmoqda. New Shepard kosmik kemasidagi har bir parvoz yangi imkoniyatlar, yangi orzular va yangi voqeliklar eshigini ochadi.
Kelajakda fazoga chiqish orzu emas, balki yangi sayohat yo‘nalishiga aylanishi mumkin. New Shepard bilan sayohat — bu faqat 10 daqiqalik uchish emas, balki butun umrga yetarli taassurotlar va yangi hayotiy motivatsiya manbaidir.
Foto: Blue Origin “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
