AQSH prezidenti Donald Tramp Rossiya va Ukraina o‘rtasidagi urushni to‘xtatish bo‘yicha harakatlar kontekstida Vladimir Putinga nisbatan keskin tanqidlar bildirdi. Unga ko‘ra, Rossiya prezidenti bilan muloqotlarda “juda xushmuomala” munosabatlar bo‘lishiga qaramay, natija kuzatilmayapti.
“Ko‘p odam o‘lmoqda va bu to‘xtatilishi kerak. To‘g‘risini aytsam, biz Putindan faqat behuda gaplarni eshityapmiz. U doimo juda xushmuomala, ammo oxir-oqibat bundan hech qanday foyda bo‘lmadi”, – dedi Tramp.
Uning ta’kidlashicha, Rossiya-Ukraina masalasida so‘nggi telefon muloqoti ham hech qanday ijobiy burilish bermagan. “Men Putin bilan muloqot qilishga tayyorman, lekin u urushni to‘xtatishga hali ham jiddiy emas”, – deya ta’kidladi siyosatchi.
Shu bilan birga, Tramp senator Lindsi Grem tomonidan taklif qilingan Rossiyaga qarshi yangi sanksiyalar to‘g‘risidagi qonun loyihasini “juda jiddiy” tarzda ko‘rib chiqayotganini ma’lum qildi. “Xo‘sh, men buni sizga aytmagan bo‘lardim. Kichik syurpriz qilmaymizmi?”, – deya jurnalistlarga murojaat qilgan Tramp.
Eslatib o‘tamiz, aprel oyida taqdim etilgan sanksiyalar paketiga ko‘ra, Rossiya bilan savdo qiluvchi va Ukrainaga yordam bermaydigan davlatlardan kelayotgan tovarlarga 500 foizli boj joriy etish taklif qilingan. Bu tashabbus 100 senatordan 80 nafaridan ortig‘i tomonidan qo‘llab-quvvatlangan.
Siz nima deb o‘ylaysiz: bu tanqidlar Moskva bilan munosabatlarga qanday ta’sir ko‘rsatishi mumkin? “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
