Fazoning cheksiz chuqurliklarida — Somon yo‘lidan 10 milliard yorug‘lik yili uzoqda — hayratlanarli voqea ro‘y berdi. Olimlar ikki ulkan qora tuynukning to‘qnashuvi natijasida paydo bo‘lgan gravitatsion to‘lqinlarni aniqlashdi. Bu haqda “The Guardian” nashri xabar berdi.
Luiziana va Vashington shtatlarida joylashgan LIGO detektorlari ushbu to‘lqinlarni qayd etgan. Gap Quyoshdan kamida 100 baravar og‘irroq bo‘lgan qora tuynuklar haqida ketmoqda. Ular uzoq vaqt davomida bir-birining atrofida harakatlangan va nihoyat, ulkan energiya orqali birlashgan. Bu jarayonda fazo-vaqt to‘lqinga kelgan va Yergacha yetib kelgan signallar zamonaviy detektorlar yordamida qayd etilgan.
Olimlar bu voqeani oddiy yulduzlarning hayot davomida yuz berishi mumkin bo‘lgan jarayonga o‘xshatish qiyinligini ta’kidlamoqda. Katta ehtimol bilan, ushbu ulkan qora tuynuklar oldingi shunga o‘xshash birlashishlar natijasida hosil bo‘lgan.
Bu kabi gravitatsion to‘lqinlarning qayd etilishi nafaqat astrofiziklar uchun, balki insonning olam tuzilishi borasidagi tasavvurlarini kengaytirishda muhim ahamiyatga ega.
Siz nima deb o‘ylaysiz: fazoning chuqur qirralaridan kelayotgan to‘lqinlar ortida yana qanday sirlar yashiringan bo‘lishi mumkin? “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
