Ukraina prezidenti Vladimir Zelenskiy mamlakatga qarshi zarbalar nega to‘xtaganini tushuntirdi va bu borada jiddiy xulosalar chiqarishga chaqirdi. Uning ta’kidlashicha, Kiyev va boshqa shaharlarga ikki kecha davomida biror marta ham katta raketalar bilan hujum qilinmagan.
Bu tanaffusning sababini Zelenskiy AQSHdan kelgan maxsus vakil – general Kit Kellogning tashrifi bilan bog‘ladi.
"General Kellog kelganidan beri osmon tinch. Ikki kecha davomida hech qanday katta hujum bo‘lmadi. Buni ko‘rgan xalq hazillashyapti: 'Kellogga Ukraina pasportini bering, u shu yerda qolsin!' Bularning barchasi bir narsani ko‘rsatadi — Putin Amerikadan cho‘chiyapti", – dedi Zelenskiy o‘z chiqishida.
Zelenskiyning so‘zlariga ko‘ra, Rossiya rahbariyati AQSHning harbiy va siyosiy ta’siriga jiddiy e’tibor qaratayotgani yaqqol ko‘zga tashlanmoqda. Kellog kabi harbiy faollarning Ukrainada borligi Moskva tomonidan shoshma-shoshar hisob-kitoblarga sabab bo‘layotganini qayd etdi.
Bunday so‘zlar faqat Ukraina ichidagina emas, balki xalqaro media maydonida ham qizg‘in muhokamaga sabab bo‘ldi. Ko‘pchilik mutaxassislar bunday bayonotni Rossiya–AQSH munosabatlari nuqtayi nazaridan keskin o‘zgarish sifatida baholamoqda.
Ayni paytda Zelenskiy amerikalik sheriklarga yana bir bor minnatdorchilik bildirib, ularning hozirgi vaziyatdagi rolini "strategik kalit" deb atadi.
Ushbu voqea fonida Ukraina jamiyatida bir muddatlik tinchlik kayfiyati kuchaygani kuzatilmoqda. Ammo ekspertlar bu sukunatni vaqtinchalik deb baholab, har qanday ehtimoliy xatarga tayyor turish lozimligini uqtirmoqda.
Shubhasiz, Putinning AQSH ishtirokidan chekinishini Zelenskiy nafaqat so‘z, balki amaliy natija sifatida namoyon etmoqda. Bu esa, Ukraina uchun diplomatik maydondagi katta yutuq sifatida baholanishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
