Istanbulning Umraniya tumanida 33 yoshli O‘zbekiston ayol fuqarosi pichoqlanib halok bo‘ldi, deb xabar tarqatmoqda mahalliy ommaviy axborot vositalari.
Ma’lumotlarga ko‘ra, fojia Aytosh ko‘chasida yuz bergan. 1992 yilda tug‘ilgan Nigina Sattorova turmush o‘rtog‘i tomonidan ko‘chada shafqatsizlarcha o‘ldirilgan. Guvohlarning aytishicha, erkak xotinini rashk sababli omma oldida bo‘ynidan pichoqlagan. Tez yordam jamoasi yetganda ayol allaqachon hayotdan ko‘z yumgan bo‘lgan.
Hodisadan so‘ng qotillikda gumonlangan ikki nafar shaxs qo‘lga olindi. Ma’lumotlarga ko‘ra, ayolning eri sodir etgan ishidan keyin do‘stiga qo‘ng‘iroq qilgan va o‘rmon hududiga qochishga uringan.
Biroq politsiya tezkorlik bilan izga tushib, keng ko‘lamli qidiruv o‘tkazdi hamda qisqa vaqt ichida gumonlanuvchi va uning do‘stini ushladi. Hozirda marhumaning jasadi sud-tibbiy ekspertizasiga yuborilgan.
“Zamin”ni Telegramʻda oʻqing!
