Erdo‘g‘on terrorga qarshi milliy safarbarlik e’lon qildi

Turkiya prezidenti Rajab Toyyib Erdo‘g‘on barcha terrorchi tashkilotlarga qarshi yalpi milliy safarbarlik e’lon qildi. Bu haqda u prezident saroyidagi chiqishida aytib o‘tdi, deb yozmoqda «Daryo» nashri.

Erdo‘g‘on kurash Kurdiston ishchi partiyasi, IShID, Fathulloh Gulen tashkiloti hamda Inqilobiy xalq ozodligi partiyasiga qarshi olib borilishini aniqlashtirib o‘tdi.

Prezidentning bunday keskin bayonotlariga yaqinda Istanbulda sodir etilgan qonli terakt sabab bo‘ldi.

IShID ekstremistik guruhi jahonning bir qator mamlakatlari va xalqaro tashkilotlar tomonidan «terrorchilik tashkiloti» deb topilgan. “Zamin”ni Telegramʻda oʻqing!