Janubiy Koreya parlamenti maktablarda dars vaqtida mobil telefonlardan foydalanishni taqiqlovchi qonunni qabul qildi. Yangi tartib 2026-yil martidan kuchga kiradi.
Qonunning maqsadi o‘quvchilarni telefon qaramligidan himoya qilish va darslarga e’tiborni oshirishdir. Tadqiqotlarga ko‘ra, koreyalik yoshlarning yarmi smartfondan juda ko‘p foydalanadi.
Endilikda telefonlardan dars paytida foydalanish man etiladi. Faqat favqulodda holatlarda yoki ta’lim uchun zarur bo‘lsa, ulardan foydalanishga ruxsat beriladi.
O‘qituvchilarga maktab hududida telefonlardan foydalanishni cheklash huquqi beriladi. Nogironligi bo‘lgan o‘quvchilarga esa maxsus qurilmalardan foydalanishga ruxsat etiladi.
Ota-onalar va o‘qituvchilar bu qarorni ijobiy baholamoqda, chunki telefonlar o‘quvchilarning o‘qish va sog‘lig‘iga zarar yetkazmoqda. Biroq ba’zi mutaxassislar bu muammoni to‘liq hal qilmaydi, deb hisoblamoqda.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
