Avstraliyaning Milliy Iqlim Xavfi baholashiga ko‘ra, 2050 yilga kelib qirg‘oq hududlarida yashovchi 1,5 milliondan ortiq odam dengiz sathi ko‘tarilishi xavfi ostida bo‘ladi. Hisobot suv toshqinlari, siklonlar, issiq to‘lqinlar, qurg‘oqchilik va yong‘inlar kabi iqlim o‘zgarishining keskin ta’sirlarini ko‘rsatadi.
Avstraliya allaqachon 1,5°C darajasida isib bo‘lgan. Agar isish 3°C ga yetadigan bo‘lsa, Sidneyda issiqlik bilan bog‘liq o‘limlar 4 barobar oshishi va Melburnda deyarli uch barobar ko‘payishi mumkin.
Qirg‘oq hududlaridagi jamoalar va shimoliy Avstraliya, chekka hududlar va yirik shaharlar tashqarisidagi qishloqlar eng yuqori xavf ostida turadi. Bu sog‘liqni saqlash, asosiy infratuzilma, tabiiy ekotizim va birlamchi sanoatga bosim yaratadi hamda favqulodda vaziyatlarga javob berishni qiyinlashtiradi.
Iqlim o‘zgarishiga qarshi chora ko‘rish, ekspertlar ta’kidlashicha, har doim e’tiborsiz qolishdan arzonroq bo‘ladi. Har bir daraja issiqlikni oldini olish kelajak avlodlarni eng og‘ir oqibatlardan saqlashga yordam beradi.
“Zamin”ni Telegramʻda oʻqing!
