Turkiyaning O‘rta yer dengizi bo‘yida qadimiy Likiya xalqi yashagan. Hozir bu joy "Likiya yo‘li" deb atalib, qadimiy qal’alar va qabrtoshlar bilan mashhur. Likiya xalqi mustaqil bo‘lib, tarixda o‘ziga xos siyosiy tizim qoldirgan.
Eramizdan avvalgi II asrda tuzilgan Likiya ittifoqi 23 shaharni birlashtirgan. Unda yirik shaharlar uch ovoz, o‘rtachalari ikki ovoz, kichiklari esa bir ovozga ega bo‘lgan. Shaharlar o‘z rahbarini saylab, soliqlarni yig‘gan.
1787-yilda AQSh konstitutsion yig‘ilishida Jeyms Medison Likiya ittifoqini misol qilib keltirgan. Unga ko‘ra, bu tizim adolatli vakillikka asoslangan bo‘lib, keyinchalik AQSh Konstitutsiyasiga ham ta’sir qilgan.
Bugun Xantos va Patara xarobalari Likiya hayotidan darak beradi. Lekin ularning eng katta merosi — dunyo demokratiyasiga ta’sir qilgan g‘oya bo‘lib qoldi.
“Zamin”ni Telegramʻda oʻqing!
