Singapur hukumati joriy haftada yana bir bor o‘lim jazosini amalga oshirdi. Bu safar 38 yoshli Pannir Selvam Prantaman — Malayziyalik ruhoniyning o‘g‘li — 52 gramm geroin saqlaganlikda ayblanib osib o‘ldirildi.
Pannir 2014 yilda, undan narkotik moddalar topilgan paytda qo‘lga olingan edi. Sud jarayonlari bir necha yil davom etdi. Uning yaqinlari va advokatlari o‘lim hukmini bekor qilish uchun qator apellyatsiyalar berdi, prezidentga afv so‘rab murojaat qildi, ammo barcha urinishlar natijasiz tugadi.
Singapur qonunlari juda qattiq:
- 15 grammdan ziyod geroin yoki
- 500 grammdan ortiq kannabis
bilan qo‘lga tushgan har bir shaxs majburiy ravishda o‘lim jazosiga hukm qilinadi.
Pannir sudda o‘zini oqlab, narkotiklarni tashiyotganini bilmaganini aytgan. U hukmni kutayotgan kamerada she’r va qo‘shiqlar yozgan. Do‘stlari uni tinch, mehribon va diniy insofli inson sifatida yodga olishgan.
«52 gramm uchun inson hayotini olish — bunday jazo aqlga sig‘maydi», — dedi Singapurdagi o‘lim jazosiga qarshi kurash faoli.
Xalqaro tanqidlarga qaramasdan, Singapur hanuz qat’iy pozitsiyada turibdi. Rasmiylar fikricha, faqat shunday qattiq choralar orqali mamlakatni narkotrafikdan asrash mumkin.
Ammo Amnesty International va boshqa huquqni himoya qiluvchi tashkilotlar buni «davlat tomonidan amalga oshirilayotgan shafqatsizlik» deb ataydi. Ularga ko‘ra, o‘lim jazosining narkotik savdosini kamaytirishda aniq samarasi borligi isbotlanmagan.
“Zamin”ni Telegramʻda oʻqing!
