AQSh hukumati Xitoyga qarshi yangi savdo choralarini ko‘rib chiqmoqda. Donald Tramp ma’muriyati AQShda ishlab chiqilgan dasturiy ta’minot asosida yaratilgan mahsulotlarni Xitoyga eksport qilishni cheklashni rejalashtirmoqda. Bu qaror Xitoyning noyob yer metallari eksportiga kiritgan cheklovlariga javoban ishlab chiqilgan.
Yangi cheklovlar noutbuklar, aviatsiya qismlari va boshqa texnologik mahsulotlarga taalluqli bo‘lishi mumkin. Tramp bu oy boshida Xitoyga nisbatan 100 foizli bojlar va “muqim dasturiy ta’minot” eksporti ustidan nazorat o‘rnatilishini e’lon qilgan edi. Rasmiylar hozircha bu choralar qachon kuchga kirishini aniqlamagan.
Mutaxassislarning fikricha, bu qaror AQSh va Xitoy o‘rtasidagi savdo ziddiyatini yanada kuchaytirishi mumkin. Xitoy elchixonasi esa AQShning “bir tomonlama bosim” siyosatini tanqid qilib, o‘z manfaatlarini himoya qilishini ma’lum qildi.
Agar reja amalga oshsa, u Rossiyaga 2022-yilda qo‘llangan eksport cheklovlariga o‘xshash bo‘ladi. Tramp va Xitoy rahbari Si Szinpin yaqin orada Janubiy Koreyada uchrashishi rejalashtirilgan bo‘lib, ushbu masala muzokaralarda muhim mavzu bo‘lishi kutilmoqda.
“Zamin”ni Telegramʻda oʻqing!
