Amerikalik chip ishlab chiqaruvchi NVIDIA kompaniyasi global moliya tarixida yangi sahifa ochdi. U dunyoda birinchi jamoat korporatsiyasi bo'lib, bozor qiymati 5 trillion dollardan oshdi.
Ushbu tarixiy natijaga NASDAQ birjasida aksiya narxlari o'sishi sabab bo'ldi. 29 oktabr, chorshanba kuni, NVIDIA aksiyalari har bir dona uchun 207,68 dollarga yetib, maksimal darajaga chiqdi.
Bu kompaniya bozor qiymatini 5,05 trillion dollarga olib chiqdi. Joriy yil boshidan beri kompaniya qiymati 50 foizdan oshiq o'sdi.
Bu yutuq sun'iy intellekt tizimlari, jumladan, OpenAI kompaniyasining ChatGPT loyihasi uchun zarur bo'lgan protsessorlarga talabning keskin oshishi bilan bog'liq. Bosh direktor Jensen Xuang yaqinda kompaniya sun'iy intellekt chiplari uchun 500 milliard dollarlik buyurtmalar olganini e'lon qildi.
Bundan tashqari, u AQSh hukumati ehtiyojlari uchun yetti zamonaviy superkompyuter yaratish rejalarini ma'lum qildi. Bu kompaniyaning davlat uchun strategik ahamiyatini yana bir bor tasdiqlaydi.
NVIDIA nomi lotincha "invidia" so'zidan kelib chiqqan bo'lib, "hasad" ma'nosini anglatadi. Asoschilar bu nomni texnologiyalar yaratish orqali raqobatchilarda havas uyg'otish niyatlarini aks ettirish uchun tanlagan.
Shuningdek, AQSh prezidenti Donald Trampning so'nggi bayonotlari NVIDIA aksiyalariga qo'shimcha ijobiy ta'sir ko'rsatdi. U Xitoy rahbari Si Tszinpin bilan NVIDIA tomonidan ishlab chiqilgan Blackwell sun'iy intellekt protsessorlarini muhokama qilish niyatida ekanligini ma'lum qildi.
Tramp, shuningdek, Jensen Xuang bilan shaxsiy uchrashuv rejalashtirayotganini tasdiqladi. Bu voqealar sun'iy intellekt texnologiyalari nafaqat texnologik sohada, balki xalqaro siyosatda ham muhim ahamiyatga ega ekanini ko'rsatmoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
