Bu yil Dublin marafonida kutilmagan mehmonlar - yovvoyi bug‘ular ishtirok etdi. Ular masofaning o‘rtasida bostirib kirib, sportchilarning yo‘lini to‘sishdi. Bu haqda What's The Jam xabar bermoqda.
Yugurish shu yakshanba kuni Yevropadagi eng yirik shahar parklaridan biri bo‘lgan Feniks bog‘ida bo‘lib o‘tdi, u yerda an’anaviy ravishda 42 km masofaga yugurishning bir qismi o‘tkaziladi. Kutilmaganda trassa o‘rtasida bug‘ular podasi paydo bo‘ldi.
15 tasi yo‘lga sakrab chiqib, yuguruvchilarni qattiq qo‘rqitib yubordi. Kimdir ehtiyotkorlik bilan tezlikni pasaytirdi, boshqalari esa hayvonlarga xalaqit bermaslik uchun yo‘ldan chetga chiqishdi. Marafonni kuzatib turgan tomoshabinlar baland ovozda qichqirib, ishtirokchilarni ogohlantirishga harakat qilishdi.
Poygani suratga olgan guvoh Pol Smit shunday dedi: "Yuguruvchilar yaqinlashishni boshlaganlarida, bug‘ular podasi to‘g‘ridan to‘g‘ri yo‘lga qarab yugurdi. Odamlar sportchilarni ogohlantirish uchun baqirishdi, ammo hech kim vahimaga tushmadi. Hamma buning kulgili tomonini ko‘rgandek bo‘ldi."
Kutilmagan to‘qnashuv oqibatida hech kim jabrlanmagan va poyga kechikishlarsiz davom etgan. Shunga qaramay, video allaqachon ijtimoiy tarmoqlarda tarqalgan. Foydalanuvchilar hazillashib, endi Dublin marafonida "eng Irlandiya voqeasi" paydo bo‘lganini aytishmoqda.
“Zamin”ni Telegramʻda oʻqing!
