Megan Markl Harper’s Bazaar jurnaliga bergan intervyusida shahzoda Garridan tug‘ilgan qizi haqida kamdan-kam aytiladigan fikrlar bilan o‘rtoqlashdi. Uning aytishicha, qizaloq ish uchrashuvlari paytida — brendining budjeti muhokamasi bo‘ladimi yoki kreativ loyihalar bo‘ladimi — tez-tez onaning tizzasiga o‘tirib oladi.
Meganning ta’kidlashicha, unga omad kulib boqqan: uning ofisi oshxona yonida joylashgani uchun u uydan ishlab, farzandlariga yaqin bo‘la oladi. Uningcha, bu «katta ne’mat».
Aktrisa shuningdek, biznesda yaxshi namuna bo‘lish uning uchun juda muhimligini aytadi. Chunki farzandlari — Lilibet va ukasi Archi — hozir hamma narsani tez qabul qiladigan yoshda. Megan o‘zini ideal deb hisoblamaydi, xatolar qiladi, ammo bolalarini jasurlikka o‘rgatadi: «Men ular jasurlikning qadrini ko‘rishlarini istayman», — deydi u.
Shahzoda Garrining shaxsiy xususiyatlari ham tarbiyada muhim ahamiyatga ega. Meganning ta’kidlashicha, unda bolalarcha samimiylik va o‘yinqaroqlik bor va u bu xususiyatni oilaviy ham, ish hayotida ham namoyon qilishga harakat qiladi.
Meganning fikricha, mukammallikka intilishning hojati yo‘q: insonning maqsadi faqat muvaffaqiyat emas, balki baxt ham bo‘lishi kerak. «Hech narsa ideal emas… Men bolalarim bilan birga o‘rganaman, rivojlanaman va xatolar qilaman», — deydi u.
Mehmon guruhidagi foydalanuvchilar ushbu nashrga izoh qoldira olmaydi.
