Yaponiyalik 66 yoshli pensioner lotereyada 600 mln iyen (taxminan 300 mln rubl) yutib oldi. Erkak pullarni xotinidan yashirishga qaror qilgan va keyinchalik bundan afsuslana boshlagan, deb yozadi South China Morning Post.
Pensionerning so‘zlariga ko‘ra, uning rafiqasi har doim "o‘ta tejamkor" bo‘lgan. Erkakning eslashicha, to‘ydan keyin ayol unga pivo ichishni taqiqlagan va faqat eski arzon mashina sotib olishga ruxsat bergan. Er va xotinning umumiy nafaqasi oyiga 300 ming iyena (150 ming rubl) bo‘lib, ularning aksariyati jamg‘arilgan yoki bolalarning ta’limiga sarflangan.
Erkak yutuqdan xabar topgach, xotiniga yolg‘on gapirishga qaror qildi. U xotiniga bor-yo‘g‘i 5 mln iyena (2,5 mln rubl) yutganini va uni uyni ta’mirlashga sarflashini aytgan.
Erkak yashirincha luks avtomobil sotib olgan, bir necha bor issiq buloqli kurortlarda dam olgan va Yaponiya bo‘ylab sayohat qilgan, atigi olti oyda 18 mln iyen (9 mln rubl) sarflagan. Pensioner shubha uyg‘otmaslik uchun har kuni metroda avtoturargohga borgan, u yerda yangi mashinasini qoldirgan, eski kiyimlarni kiygan va odatiy muloqot doirasidan uzoqlashgan.
Tez orada erkakda o‘ziga xoslik inqirozi boshlandi. Shuningdek, u ajrashish va bankrotlikdan keyin yolg‘iz vafot etgan otasini tez-tez eslay boshladi.
"Agar bu pullar mening o‘z kuchim bilan topilgan bo‘lsa, men ular bilan faxrlangan bo‘lardim. Ammo mehnatsiz kelgan boylik noxush xotiralarni uyg‘otadi va hayotimni larzaga soladi," - dedi erkak. U deyarli 500 mln iyenni sug‘urtaga qo‘yishga qaror qildi, oluvchilar sifatida xotini va bolalarini ko‘rsatdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
