Ukraina Milliy xavfsizlik kengashi kotibi Rustem Umerov prezident Volodimir Zelenskiyning AQSHga noyabr oxirigacha bo‘lib o‘tadigan safari kutilayotganini bildirdi. Tashrifdan maqsad – AQSH prezidenti Donald Tramp bilan shaxsan uchrashish va uzoq muhokamalarga sabab bo‘lgan tinchlik kelishuvi bo‘yicha so‘nggi bosqichlarni amalga oshirish.
Jenevada AQSH va Ukraina rasmiylari 28 bandlik dastlabki rejani 19 tagacha qisqartirib, «umumiy kelishuv»ga erishgan bo‘lsa-da, «hal qilinishi kerak bo‘lgan bir necha nozik tafsilotlar» qolgan.
Prezidentlar hal qiladigan asosiy masalalar
Ukraina tomonining ma’lum qilishicha, eng murakkab va hal qiluvchi masalalar aynan ikki prezident darajasida muhokama qilinadi. Bular jumlasiga:
- Hududiy suverenitet (avval rejada talab qilingan, ammo keyinchalik olib tashlangan yon berishlar).
- Asirlarni "hammasini hammaga" almashish shartlari.
- Rossiya tomonidan olib ketilgan ukrainalik bolalarni qaytarish kabi insonparvarlik masalalari kiradi.
Umerov bu safarning imkon qadar eng erta muddatda amalga oshirilishiga umid bildirdi. Oq uy ham aksariyat bandlar kelishilganini va Ukraina tinchlik kelishuvining negizini qo‘llab-quvvatlaganini tasdiqladi. Bu uchrashuv to‘rt yilga yaqin davom etgan mojaroni to‘xtatish yo‘lidagi eng hal qiluvchi muloqotlarga nuqta qo‘yishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
