Shri-Lankada kuchli yomg‘irlar, toshqinlar va ko‘chkilar yuzaga keldi. Favqulodda holat e’lon qilindi, elektr va ichimlik suvi yetishmayapti, ko‘plab hududlarda yo‘llar yopiq.
Favqulodda vaziyatlar markazi ma’lumotiga ko‘ra, 20,000 dan ortiq uy vayron bo‘lgan, 108,000 dan ziyod odam vaqtinchalik boshpanalarga joylashtirilgan. Kelani daryosidagi suv sathi tez ko‘tarilayotgani sabab ayrim hududlarda evakuatsiya buyurilgan.
Eng katta talafotlar Kandi va Badulla viloyatlarida qayd etilgan. Ko‘plab hududlar yo‘llar yopilganligi sabab yetib borish imkonsiz. Qishloq aholisi oziq-ovqat va toza suv yetishmasligi bilan qiynalmoqda, ba’zi odamlar ibodatxonalarda boshpana topgan.
Qutqaruvchilar suv ostida qolgan avtobus va qariyalar uyidagi odamlarni saqlab qoldi. Hukumat xalqaro yordam chaqirdi va chet eldagi Shri-Lankaliklarni moliyaviy yordam ko‘rsatishga chaqirmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
