AQSH prezidenti Donald Tramp Venesuela prezidenti Nikolas Maduro va uning hokimiyatini ag‘darish maqsadida amalga oshirilgan operatsiya haqida matbuot anjumani o‘tkazdi. U o‘z so‘zlarida, Maduroning Venesuela xalqini sifatsiz boshqargani va narkotrafikdagi ishtiroki haqida bayonot berdi.
Trampning aytishicha, Maduro noqonuniy diktator sifatida, AQSH xalqiga qarshi katta jinoyatlar sodir etgan va narkotik moddalari trafigini boshqargan. “Maduro r Cartel de los Soles karteliga rahbarlik qilgan va minglab amerikaliklar o‘limiga sabab bo‘lgan. Maduro hokimiyati tugadi, u endi prezident emas”, — dedi Tramp.
Shuningdek, AQSH yetakchisi Venesuela neft sanoatiga sarmoya kiritishni rejalashtirayotganini va u yerdagi neft infratuzilmasini tiklash uchun yirik kompaniyalar milliardlab dollar sarflashiga ishonch bildirdi. “Biz Venesuela xalqini boy va mustaqil qilamiz. Ularni baxtli qilamiz,” — deb bayon qildi Tramp.
Bu bayonotlar AQSHning Venesuela bilan munosabatlariga yangi va sezilarli bir burilishni ko‘rsatmoqda va mamlakatning kelajagi haqidagi siyosatni aniq belgilamoqda.
“Zamin”ni Telegramʻda oʻqing!
