Venesuelaning sobiq prezidenti Nikolas Maduro AQShda giyohvand moddalar savdosi bilan bog‘liq jinoiy ayblovlar bo‘yicha sud oldida o‘zini aybsiz deb e’lon qildi. U Nyu-Yorkdagi federal sudda chiqish qilib, qo‘lga olinishi noqonuniy bo‘lganini va o‘zini “o‘g‘irlab ketilgan” deb hisoblashini bildirdi.
Sud jarayonida Maduro kishanlangan holda qatnashdi va tarjimon orqali ayblovlar bilan tanishtirildi. Unga xalqaro giyohvand moddalar savdosi tarmog‘ini boshqarish, shuningdek qurol saqlash bilan bog‘liq bir nechta og‘ir jinoyatlar qo‘yilgan. Uning rafiqasi Kilia Flores ham sudda ayblovlarni rad etdi. Keyingi sud majlisi mart oyiga belgilangan.
Maduroning qo‘lga olinishi Venesuelada siyosiy vaziyatni keskinlashtirdi. Karakasda vitse-prezident Rodriges mamlakatning muvaqqat prezidenti sifatida qasamyod qildi. Hukumat idoralari o‘z faoliyatini davom ettirmoqda, biroq mamlakat kelajagi borasida noaniqlik saqlanib qolmoqda.
AQSh rasmiylari ushbu harakatni giyohvandlikka qarshi kurash doirasida amalga oshirilganini bildirgan. Shu bilan birga, bir qator davlatlar va xalqaro tashkilotlar Venesuela suvereniteti buzilgani haqida xavotir bildirmoqda. Mazkur voqea xalqaro maydonda keng muhokamalarga sabab bo‘ldi.
“Zamin”ni Telegramʻda oʻqing!
