Rossiyalik milliarder Andrey Melnichenkoning shaxsiy yaxtasi Sailing Yacht A ("Elkanli yaxta A") nemis kemasozlik verfining 15 mln evrodan ko‘proq mablag‘ bo‘yicha e’tirozi sababli hibsga olindi. Bu haqda Yacht Harbour portali ma’lum qildi, deb yozadi Kun.uz.
Yaxta bir necha kun avval Gibraltarga bezak ishlari uchun kelgan, keyin esa Ispaniyaga yurish sinovlaridan o‘tgani kelishi kerak edi. 5 fevralda yaxta Germaniyaning Kil shahrini tark etgandi.
Yaxtani qurgan Nobiskrug verfi advokatlari shartnoma buzilishi bo‘yicha sudga da’vo arizasi topshirishgan. Unda aytilishicha, yaxtani buyurtma qilgan Valla Yachts Limited 27 yanvargacha kema uchun 9,8 mln dollarlik oxirgi transhni o‘tkazib bermagan. Bundan tashqari, verfda pudratchilar bilan hisob-kitoblar bo‘yicha 2,6 va 2,9 mln evrolik e’tirozlar vujudga kelgan. Natijada da’vo arizasida ko‘rsatilgan qiymat 15,3 mln evroga etgan.
Dunyoda eng katta elkanli yaxta hisoblanuvchi bu yaxta Melnichenkoning pullariga qurilgan va 2015 yil kuzida Kil shahri yaqinida suvga tushirilgan. Uning uzunligi 143 metrni, suv sig‘imdorligi 14 ming tonnadan ko‘proqni, elkanlarining umumiy maydoni esa futbol maydonidan kattaroqni tashkil qiladi. Yaxtada 8 ta paluba bo‘lib, uning ekipaji 54 kishiga mo‘ljallangan.
Yaxtaning narxi turli baholashlarga ko‘ra, 400 mln dollardan ko‘proqni tashkil qiladi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Sirdaryoda budjetga juda ko‘p miqdorda zarar yetkazgan mayning ferma aniqlandi