Amerika Qo‘shma Shtatlarida sun’iy intellekt (SI) sohasi qisqa vaqt ichida iqtisodiy inqiroz xavfi bilan yuzma-yuz kelmoqda. Bu borada amerikalik siyosatshunos Malek Dudakov diqqat markaziga olib chiqdi, deb xabar berdi EADaily nashri.
ChatGPT yaratuvchisi OpenAI kompaniyasi har chorakda taxminan 12 milliard dollar yo‘qotmoqda. Vaziyatni barqaror saqlash maqsadida startap investorlarga 17,5% foiz va’da qilmoqda, ammo bu xavfni qabul qilishni xohlovchi tomonlar soni kundan kunga kamaymoqda.
Ekspert fikriga ko‘ra, OpenAI’ning eng muhim hamkori — Oracle ham qarz inqiroziga tushib qolgani bois, kompaniyaning iqtisodiy qulashi butun sun’iy intellekt bozori uchun katta tahdidni yaratadi. Bu holat butun bozorni o‘z ortiga olib ketishi mumkin.
Mutaxassislar tahlillariga ko‘ra, sun’iy intellekt sohasidagi "pufak"ning yopilishi AQSH iqtisodiyotini 2027 yilga kelib chuqur retsessiyaga olib kelishi ehtimoli yuqori. Uoll-strit allaqachon ishsizlikning 5 foiz va undan yuqoriga ko‘tarilishini, energiya tanqisligi tufayli inflyatsiyaning oshishini kutib turibdi.
Agar sun’iy intellekt AQSH iqtisodiyotining yagona o‘sish drayveri sifatida ham qulasa, bu natijalar nafaqat mamlakat iqtisodiyotiga, balki global moliyaviy bozorlarga ham sezilarli ta’sir ko‘rsatadi. Bu esa barcha jahon iqtisodiyoti uchun jiddiy tahdiddir.
“Zamin”ni Telegramʻda oʻqing!
