KXDRda yana bir amerikalik qo‘lga olindi

KXDR poytaxti Pyongnyang aeroportida 21 aprel kuni kelib chiqishiga ko‘ra koreyalik bo‘lgan AQSh fuqarosi qo‘lga olingan. Bu haqda Yonhap agentligi manbasiga asoslanib Kun nashri xabar berdi.

Qo‘lga olingan shaxsning faqat familiyasi ma’lum — Kim.

U Xitoydagi Yanbyan universitetining sobiq professori bo‘lgan.

U bir oy davomida KXDRda Shimoliy Koreyaga yordam ko‘rsatish dasturi bo‘yicha faoliyat olib borgani aytilmoqda. Uning hisbga olinishi sababi hozircha ma’lum emas.

Agentlik xabarida qayd etilishicha, 2009 yildan buyon KXDRda qo‘lga olingan AQSh fuqarolari soni 10 nafardan ortdi. “Zamin”ni Telegramʻda oʻqing!