Olimlar Erni tirik va ongli jonzot deb e’lon qildilar

Olimlar Er tirik va ongli jonzot degan xulosaga keldilar, deb yozadi Kun.uz nashri.

Olimlarning ta’kidlashicha, sayyoramiz Quyosh, o‘zini o‘rab turgan samo jismlari va hattoki Galaktika markazi bilan muntazam axborot almashib turadi. Olimlarning aytishicha, bu axborot Er sirtidan uning yadrosi markaziga o‘tkazilgan maxsus kanallar orqali o‘tadi. Olimlarning taxminicha, Er o‘z sirtida uni burg‘ilovchi, portlatuvchi va "biosfera ekologiyasini izdan chiqaruvchi" odamlar yashashidan xabardor.

Olimlarning fikricha, Er – energiya to‘yingan, yuqori tashkillashtirilgan va evolyusiyalanuvchi tizimdir, uning moslashishga qobiliyati insoniyatnikidan bir necha marotaba yuqoriroqdir.

Olimlar oxirgi vaqtda tez-tez yuz berayotgan zilzila, to‘fon, sunami, toshqin va haroratning keskin o‘zgarishlarini "Erning insoniyatning aqlsiz harakatlariga javobi" bilan bog‘lashmoqda.

1970-yillarda britaniyalik ekolog Jeyms Lavlok "Geya gipotezasi"ni ilgari surgandi. Unda Er o‘zini regulyasiya qilishi evaziga muhitning asosiy ko‘rsatkichlarini doimiy darajada ushlab tura oladigan superorganizm sifatida ta’riflangan. Lavlok keltirgan dalillardan biri shu bo‘lganki, Quyoshdan keluvchi energiyaning turli darajalarida sayyoramiz sirti harorati taxminan bir xil darajada qoladi. “Zamin” yangiliklarini “Youtube”da kuzatib boring