7 247
Qirg‘iziston prezidentligiga nomzod bo‘lgan Omurbek Babanov o‘zbeklarga qilgan murojaati uchun qamalishi mumkin
Qirg‘iziston bosh prokuraturasi Jo‘qorg‘i Kenesh deputati Omurbek Babanov va boshqa shaxslarga nisbatan jinoyat ishi qo‘zg‘atdi, deb yozadi Kun nashri.
«Respublika — Ata Jurt» partiyasi yetakchisi konstitutsiyaviy tuzumni zo‘ravonlik bilan o‘zgartirish hamda milliy, irqiy va diniy nifoqni avj oldirish bo‘yicha ommaviy bayonotlar berishda ayblanmoqda.
Bosh prokuratura matbuot xizmatining xabar qilishicha, gap Omurbek Babanovning O‘sh shahridagi «Amir Temur» kichik tumani aholisi bilan saylovoldi tashviqoti doirasida 28 sentyabr kungi uchrashuvda qilgan chiqishi haqida ketmoqda.
«Omurbek Babanov yig‘ilganlar oldida chiqish qilib, aholining o‘zbeklar qismi ovozlarini olishni o‘z oldiga maqsad qilib qo‘ygan. U o‘zbeklar huquqlarining cheklanishi, mamlakatdagi milliy notenglik va davlat organlari tomonidan o‘zbeklarga bosim haqida gapirgan. Shundan so‘ng ularni bu holatga faol qarshilik qilishga chaqirdi», - deya aniqlik kiritib o‘tishgan Bosh prokuraturadan.
Filologiya va siyosiy ekspertiza, ta’kidlanishicha, Babanovning bu ommaviy bayonotlarida milliy nizo qo‘zg‘ashga, odamlarni bo‘ysunmaslikka va hokimiyatni ag‘darishga qaratilgan chaqiriqlari borligini aniqladi. «Shuningdek, Davlat sud-ekspertizasi xizmatining xulosasiga binoan, elektron ommaviy axborot vositalarida e’lon qilingan ushbu nutqda montaj belgilari yo‘qligi aniqlandi», - deyiladi Bosh prokuratura xabarida.
Jinoiy ish Qirg‘iziston Respublikasi Jinoyat kodeksining 297-moddasi 1-qismi (konstitutsiyaviy tuzumni zo‘ravonlik bilan o‘zgartirishga chaqiriq) va 299-moddasi 1-qismi (milliy, irqiy yoki diniy nifoqni qo‘zg‘atish) bilan nazarda tutilgan holatlar asosida qo‘zg‘atildi. Ish keyinchalik tergovni tashkil etish uchun Qirg‘iziston Respublikasi Davlat milliy xavfsizlik qo‘mitasiga yuborilgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Hatto meva mumkin emas: jigar uchun zararli uch odat
Chet el valyutalarining o‘zbek so‘miga nisbatan yangi qiymati belgilandi
AQSH Rossiyani Ukrainaga qarshi kimyoviy qurol qo‘llaganlikda aybladi
Asab tolalarini mustahkamlashda muhim bo‘lgan vitaminlar
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Germaniyada rossiyalik shaxs ikki ukrainalik harbiyni pichoqladi
Timur Kapadze tarixiy natija qayd etilganidan so‘ng nimalar dedi?