O’qing, ammo yig’lamang! Santa-Klaus umrining oxirgi kunlarini o’tkazayotgan 2 yoshli bolani ko’rishga bordi

Yuta shtatida yashovchi Maylz Agnyu bolalar miya falajligi, epilepsiya va boshqa ko’plab nevrologik kasallikлardan aziyat chekkan. U oxirgi oylarni onkologik kasalliklar shifoxonasida o’tkazayotgan edi. Uning tutingan onasi esa Maylzning ahvoliga qarab bolakay Rojdestvo bayramiga qadar yetib bora olmasligini tushundi.

Mishel o’g’lini oxirgi Rojdestvo bayramidan mahrum qilmaslik uchun “Secret Sleigh” hayriya loyihasiga yordam so’rab murojaat qildi. Jerri Bodil esa bemor bolakayning onasi iltimosiga ko’ra Santa-Klaus libosida uni ko’rishga bordi. Jerrining o’zi ham farzand dog’ini ko’rgan edi, shuning uchun Maylzning oilasi ayni paytda nimalarni his qilayotganini yurak-yurakdan tushunib turardi.

“Aldamayman, menga juda qiyin bo’ldi, Santaning ko’zlarida yosh qalqib turdi” deydi Jerri Bodil.

Ikki yoshli bolakay Santaning quchog’iga o’tirib olgancha suratga tushdi va ushbu ta’sirli surat ijtimoiy tarmoqlarda tarqala boshladi.

Ming afsuski, Maylz uchun Yangi yil mo’jizasi sodir bo’lmadi – bolakay Santa tashrifidan bir hafta o’tib, oilasi bag’rida vafot etdi.
“Zamin” yangiliklarini “Youtube”da kuzatib boring