Putin Shimoliy Koreya rahbari Kim Chen In AQSh ustidan g‘alaba qozonganini e’tirof etdi

Rossiya prezidenti Vladimir Putin kecha, 11 yanvar kuni rossiya va xorijiy ommaviy axborot vositalari rahbarlari bilan bo‘lib o‘tgan uchrashuvda, Shimoliy Koreya yetakchisi Kim Chen Inni maqtadi hamda bu qarama-qarshilikda uning yengib chiqqanini va bu g‘alabani faqat qayd etish qolganini ta’kidladi.

Putin Shimoliy Koreya rahbari to‘g‘risida, “Mening fikrimcha janob Kim Chen In, so‘zsiz bu partiyani yutib chiqdi. U o‘zining oldida turgan strategik vazifani ado etdi: ularda yadroviy kallak bor, 13 000 kmgacha uchadigan – yer sharining xohlagan nuqtasiga, ehtimoliy dushman hududigacha yetib borishi mumkin bo‘lgan global raketa bor. Endi u vaziyatning maromiga tushishi va tinchlanishidan manfaatdor. Kim Chen In – mutlaqo aqlli va yetuk siyosatchidir”, degan fikrlarni bildirgan. “Zamin”ni Telegramʻda oʻqing!