21:32 / 12.01.2018
6 547

Shimoliy Koreya prezidenti g‘alabasining sirini aytdi

Shimoliy Koreya prezidenti g‘alabasining sirini aytdi
KXDR "dushmanlar 10 va 100 yilga sanksiya kiritgan taqdirda ham qiyinchilikka duch kelmaydi", dedi Shimoliy Koreya prezidenti Kim Jong In davlat fanlar akademiyasi olimlari oldida chiqish qilish chog‘ida. Bu haqda Sof.uz xabar bermoqda.

"Og‘ir sinovlar sharoitida Koreya inqilobining g‘alabasi sirlaridan biri shundaki, biz asosiy e’tiborni fan va texnikani rivojlantirishga qaratdik. Mustaqil milliy iqtisodiyot, ilmiy-texnik mutaxassislar va aqlli boshlar evaziga biz dushmanlar 10 va 100 yilga sanksiya kiritgan taqdirda ham qiyinchilikka duch kelmaymiz", — degan so‘zlaridan iqtibos keltiradi Koreya markaziy telegraf agentligi.

Eslatib o‘tamiz, 3 sentyabrda Shimoliy Koreya vodorod kallakli raketani sinovdan o‘tkazgandi. Yaponiya va Janubiy Koreya harbiylari ushbu raketaning quvvatini 160 kilotonna deb baholashgandi. Bu 1945 yilda Yaponiyaning Xirosima shahriga tashlangan bombadan 10 baravar kuchliroq degani.

Shu bois BMT Xavfsizlik kengashi KXDRga nisbatan yangi sanksiyalar joriy etdi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Shimoliy Koreya prezidenti g‘alabasining sirini aytdi