Qirg‘iziston prezidenti Sooronbay Jeenbekov mamlakatdagi barcha maktablarni 5 kunlik o‘qish tizimiga o‘tkazish haqidagi qonunni imzoladi.
Prezident qonunni 21 fevral kuni imzoladi, u 10 kundan keyin kuchga kiradi.
10 yanvar kuni Qirg‘iziston parlamenti uchinchi o‘qishda ta’lim haqidagi qonunga tuzatishlarni ma’qullagandi. Unga ko‘ra mamlakatdagi barcha maktablar 5 kunlik o‘qish grafigiga o‘tishi ko‘zda tutilgan.
Kloop.kg nashriga tayanib Kun.uz yozishicha, gimnaziyalar va litseylarning o‘quvchilari ayrim fanlardan chuqurlashtirilgan ta’lim berilishi tufayli 6 kunlik o‘qishni davom ettirishadi.
Ushbu qonun tashabbuskori SDPK fraksiyasi deputati Dastan Bekeshev hisoblanadi. U tashabbusini o‘quvchilarga ham, o‘qituvchilarga ham yuklamalarni kamaytirish zarurati bilan izohlagandi.
“Xususiy maktablarda ham haftasiga 5 kun o‘qish bo‘lishi kerak, oltinchi kuni esa bolalar madaniy tadbirlarga, to‘garaklarga borishlari yoki vaqtini ota-onalari bilan o‘tkazishlari mumkin. O‘qituvchilar ham dam olishi kerak”, — degandi Bekeshev.
2017 yilning yanvaridan mamlakatdagi maktablarning 75 foizida haftasiga 5 kunlik o‘qish tizimi joriy qilingandi, gimnaziya va litseylar 6 kunlik grafikda davom etmoqda.
Bundan avvalroq O‘zbekistondagi maktablarda 1 martdan boshlang‘ich sinflarni 5 kunlik o‘qishga o‘tkazish rejalashtirilayotgani haqida xabar berilgandi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekiston va Italiya hashamatli sayyohlik poyezdini yo‘lga qo‘yadi
Usmon Toshev: "Olimpiadaga chiqqanimizdan 20 daqiqa o‘tgach, ko‘plab jamoalardan takliflar tushdi"
G‘azo himoyasidagi oliygohlar yoxud AQSHda "talabalar bahori"
«Ziki eski shahar» laqabi bilan tanilgan Lutfulla Umarovga sud hukmi o‘qildi
Vashingtondagi maktabda otishma sodir bo‘ldi
Baxt aslida nimadaligini tushunishga yordam beradigan 5 ta film
APL. “Liverpul” 6 ta gol urilgan o‘yinda “Tottenhem”ni mag‘lub etdi
Rossiyada o‘zbekistonlik qul savdogari qo‘lga olindi